【曾經】CK瘋人榜

行走江湖那些年

蛇仔源　沙膽淇　爛賭杰　胞魚一　掂掂敏

貓屎傑　老女人　老鼠芳　左手哥



而家

剩底左手哥最出名



當年寫既文章

念起都仲覺得好過癮







沙膽淇

生日：1984/05/31

地盤：基隆

經典名句：「理我理我理我理我理我…. x ∞」



沙膽淇，雖然名叫沙膽淇，但是個膽子仲細過粒沙，每次聽到狗吠聲都會嚇親。

條友系瘋人党第一幕後主使人，負責召集各黨員，系任何聚會都不會缺席的頭頭。

但佢口水多過茶，最高紀錄可以講整晚唔洗停，尤其系星座算命佢最在行，真系可以講冇佢就冇八卦。

佢仲有拿手絕活叫「MSN奪命連環震」，次次上網一唔注意就會被佢震番餐死，因為佢搞到人地上MSN不敢開聲。 





花名：蛇仔源

生日：1985/11/11

地盤：台南

經典名句：1.「真系好有feel啊。」

　　　　　2.「阿妹，我系謝源啊。」

　　　　　3.「阿水，我好滿意今天的行程。」

　　　　　4.「如果我地冇來臺灣既話…」



謝源，除了身材瘦到似條蛇之外，冇一忽似蛇。

系黨內最瘋狂既人物之一，生日撞到考試依然話上就上，膽色過人，都不失為一個義氣仔女。

條友勁鍾意經典，演技一流，無時無刻都系度擺緊款扮型仔。

佢既死穴，兩個同音字──「心結」。





花名：爛賭傑

生日：1985/10/10

地盤：土城

經典名句：「再講，我下次唔來架！」



周劻傑，隨身帶住幅pair牌同一大堆用唔曬既紙巾，就算捱夜到就來唔掂，拿出幅牌即刻精神百倍，講佢唔爛賭睇怕都冇人信。

尼只野既性格，比uncle仲uncle，成日講埋曬一堆關於衛生既野，又迷信又有潔癖又細膽，真系挑剔到頂佢無順。







花名：左手哥

生日：1984/10/25

地盤：台中

經典名句：「塵規塵，土歸土…」



黃章建，一次車禍，就變成左手哥，即系剩低左手可以用個既意思。

佢既打扮極具個人風格，行到邊都系T-恤牛仔拖鞋夾腳趾，全副超級無敵台客feel，擺到明要型啦。

條友乃性情中人，鍾意吟詩，講既話，句句話都系經典啊。





花名：貓屎傑

生日：1985/07/25

地盤：台中



楊昇傑，蛇仔源既大佬，次次沖涼都沖好耐，所以俾人講佢拿屎上身，叫佢貓屎傑最貼切不過。

尼條友鍾意咩住個大書包到處行，入邊裝住既野，講出來你都唔信，竟然系樂譜同腳架…頂佢無順啊真系。

佢最勁個招，唔係個背囊，而係同你飲酒，你飲酒佢飲油切茶，你未醉佢先醉，重要話自己煙酒不沾，信佢至奇。





花名：老女人

生日：1985/03/24

地盤：新竹

經典名句：「不好意思，請問這裡有人坐嚜？」

　　　　　「乾一杯、乾一杯、乾一杯，恭祝友誼…」





梁欣韻，全名『大老既女人』，膽色過人，睇佢樣就知佢出來撈過啦！

佢膽色過人，仲意自己溝仔，送上門既都俾佢好似拍蒼蠅咁拍走曬，唔系小白臉既仲冇陰公，佢眼尾都唔稍一下，你話幾咁慘ㄚ？

講到排球，更系佢最勁啦！但系講到唱歌，就…嘛嘛地啦，除左成日忘記歌詞兼

走音之外，都算唔會嚇走曬Ｄ人。









花名：掂掂敏

生日：1985/09/23

地盤：關渡

經典名句：「……」



鄒慧敏，叫佢掂，唔系因為佢真係好掂，而係因為佢好diam。睇個名就知佢diam到爆，唔鍾意出聲，成日聽埋一大堆秘密當收藏。

如果佢唔講，冇人會知道尼隻野係瘋人黨既一員，彈琴超勁，連老女人都fight唔過佢。

不過有時唔聲唔聲先會嚇人一驚，佢真系要出聲的時候，蛇仔源、左手哥都要企埋一邊。





花名：鮑魚一

生日：1981/05/23

地盤：淡水



鄧秀一，點解叫鮑魚冇人知道，順口就叫，不過可憐佢冇端端變鮑魚，真係…。

檔入邊最老就係尼粒鮑魚，成日講自己大四，其實已經大五架啦！

雖然佢年紀最老，但係講到爆肝，冇人比得上佢，試過爆完肝之後直接上班，一Ｄ事都冇先叫勁！

隻野精打細算，檔內條條數幾乎都由佢跟，Ｄ數目算係幾清楚啦。不過係得年齡尼條數，佢計極都計無出咋。





老鼠芳

生日：1984/03/06

地盤：台北政大



關淑芳，一個真名和她極之不襯的人，因為長的三分像老鼠，名由其來。

可稱為CK第一號狂熱份子，問此刻世上，癡心女子有幾個，他對CK的癡心，簡直是滔滔江水綿綿不絕，更有如黃河氾濫，一發不可收拾。

如果現在要拍古惑仔，洪興十三妹一定非她莫屬，她講義氣，義字當頭，不愧是出來WALK的.

不過，她也有文靜的一面，看過他那些爛鐵線藝術品後，可以出來擺檔啦。

還有很重要的，就是觀察力強，不然怎樣寫上面幾個粉腸寫得這麼貼真。





 

 

---

對唔住左手

講左幾百年

我而家先update QQ



不過　遲到好過冇到

算係咁架啦