我細細個既時候

好耐冇睇過自己細細個既相

黎台灣既時候　一張相都冇帶過來

尋日Sum叫我註冊facebook　睇下小學同學由xs變XL既樣　







一註冊之下　hotmail既信箱幾乎爆左

呢個網站真係幾恐怖

唔申請都唔知咁多人玩緊facebook



包括我兩個阿姐同大佬



就係因為咁　先睇到我細細個既相

唔係好多　得三張

好過冇。



我細個既時候好少影相

唔係因為我唔鍾意　係因為我係阿四

排第四　我估D菲林比大既影晒

到我既時候　冇人幫我揸機　



有乜計？



所以我印象中最早既相　係一歲坐係個木馬上

不過呢度冇　遲D有機會返屋企搵出來

 



呢兩張係同一個地方同一日影既

係沙叻秀花園住宅區既遊樂場(如果冇記錯)

第一張同我大家姐影既

第二張比人偷影既

張相既意思即係話　我係好細好細個就比人杯葛



所以自閉有理(?)。



 

最後呢張　我一年級既時候影既

後邊整棚人係我既兄弟姐妹包括老表

我7歲就高到可以遮住我二家姐半個頭



睇下個條裙腳花邊　

係因為我太高左 條裙變得好短所以我媽搵塊花布車上去



其實呢D唔係重點　

重點係我以前都有著裙架

唔知幾時開始就冇著啦



冇記錯應該係四年級作童軍開始...

就咁　就咁..

就咁就變作男人婆叻@@"



以上就係一D我細細個既時候既小小事

用廣東話係因為我細細個既時候剩係識講廣東話 



=^=b